ಮನದ ಬಣ್ಣ

ಎಂದೋ ಗೀಚಿದ ಹರಿದ ಹಾಳೆಯ ಹಿಡಿದು

ಮತ್ತೊಮ್ಮೆ ಬಣ್ಣವನು ಬಳಿಯುವೆನು ಇಂದು

ಬದಲದ     ಭಾವನೆಯು  ಚಿತ್ತಾರ ಆದಲ್ಲಿ
ಮೂಡುವುದು  ಕಾಡಿರುವ ಕಲ್ಪನೆಯ ಸಿಂಧು


ನೆನಪಿನಂಗಳದಲ್ಲಿ  ಹೀಗೆಯೇ ಕಾಡುತಿರೆ,
ಹಾಗೆಯೇ ಬಿಡಿಸುವೆನು  ನೆನವುಗಳನ್ನು. 
ಇರುವ  ಬಣ್ಣಗಳನ್ನೆಲ್ಲ  ಒಪ್ಪ್ಪಾಗಿ  ಹಚ್ಚುತಲಿ
ಪಡೆದುಬಿಡು ಜೀವವನು  ನಾಚಿಸುತ ನನ್ನು!


ಇರದ  ನಲ್ಮೆಯ ಮಾತು ,ಮನಸಿನಂಗಳ   ಆಗಿ
ತುಂಬಿಕೊಂಡಿದೆ ನಯನ, ಬೆಳಕನ್ನೆಲ್ಲ  ಬಿರಿದು.
ಮಿಡಿಯದ   ಮೌನವನು, ಮರೆತಿರುವ  ಮಧುರವನು
ತಿರುವಿದೆನು ಬಣ್ಣದಲಿ  ಸೆಲೆಯಲ್ಲಿ ಬೆರೆತು.


ಎಲ್ಲ ಬಣ್ಣಗಳು ಹಾಗೆ  ಗರಿಗೆದರಿ ಬಾನಿನಲಿ  
ಹಾರುತಿದೆ ಹಕ್ಕಿಗಳ ಹಿಂಡು ಹಿಡಿದು!
ಹರಿದ ಹಾಳೆಯ ಮೇಲೆ ಬೆರೆತ ವರ್ಣವು ಈಗ
ಮೆರೆದು ಮಾಡಿತು  ಮೋಡಿ, ಆಗಸದಿ ನೋಡು!