ಬಿಡಿ-ಗವನಗಳು 1

 ೧. ಎದೆಯನ್ನು ಬಗೆದೆ ಬರಿದಿದ್ದೆ  ಪ್ರೇಮ ಕವನ
    ಮಾಡಲಾಗದೆ ಕವನದ ಮನನ
    ತಿರುಗಿ ಬರೆದಳು
    ಅಣ್ಣ ನಿನಗೆ ನನ್ನ ನಮನ  :)

 

೨. ಸುಳಿ ಮಿಂಚಿನಂತೆ ಸೆಳೆದಿತ್ತು ಅವಳ  ನಯನದ ನೋಟ
    ನಗುವು ಹೊಂಗನಸಾಗಿ ಮಾಡಿತ್ತು ಮನಕೆ ಮಾಟ
    ತಿಳಿಯಲು ಹಿಂದೆಯೆ  ಸಾಗಿತ್ತು ನನ್ನ ಓಟ
    ತಿಳಿದು ತಡವರಿಸದೆ ತಿರುಗಿ ನುಡಿದಳು ,
    ನನ್ನ ಕಾಲಿಗಿರುವುದು ಒರಿಜಿನಲ್ ಬಾಟ !
 
೩. ನನಸಾಗುವ ವೇಳೆಗೆ ,
    ಆತ ಕನಸನ್ನು ಕಾಯಿಸಿದ,
    ನನಸಾಗದಿದ್ದಾಗ  ಕಾದ ...
    ಕನಸಿನ ಕಾವಲಿಯಲಿ ಇನ್ನೂ ಕಾದ!!

೪. ಆತ ಎಂದಿಗೂ ಆಕೆಯ,
    ನಗುವಿಗೆ ನಲಿದವನಲ್ಲ
    ಸಿಡುಕಿಗೆ ಮರುಗುವನಲ್ಲ
    ಅಳಲಿಗೆ ಕರಗುವನಲ್ಲ 
    ಆದರೆ ಇಂದು ಮೌನಕ್ಕೆ   ಶರಣಾದ !

೫. ಕನಸು  ಮನಸು ಎರಡು ಒಂದೇ ಆಗಿತ್ತು
    ನಂತರ ,
    ಕನಸು ಕವಿಯಿತು ಮನಸು ಮುರಿಯಿತು
    ಆನಂತರ,
    ಕನಸು ಮನಸು ಬೇರೆ ಆಯಿತು
    ಕನಸು ಅರಳಿತು ,ಮನಸು ಮಿಡಿಯಿತು.

                       --ವೀರಭದ್ರ ಎಸ್ ಹೆಗಡೆ